Paul Smith - Joker

Dyma Paul Smith yn ei ôl ar daith newydd sbon danlli grai!

‘Joker’ ydi ei sioe deithiol fwyaf a doniolaf hyd yma, a’r digrifwr o Sgowsyn yn cymysgu ei ryngweithio nodweddiadol â’r gynulleidfa â rhagor o straeon gwir, digri dat ddagrau o’i fywyd pob dydd.

Os gwelsoch chi Paul yn fyw o’r blaen, fe wyddoch o’r cychwyn cynta y gallwch ddisgwyl bod yn g’lanna chwerthin.Os na welsoch mohono ond ar lein, cofiwch fachu’ch tocynnau fel slecs i weld be fydd, does dim dwywaith, yn un o deithiau comedi’r flwyddyn.