Mae’r gwneuthurwr ffilmiau bywyd gwyllt, Gordon Buchanan, wedi ffilmio anifeiliaid drwy’r byd yn grwn, ond yn wahanol i’r rhan fwyaf o ddynion camera bywyd gwyllt, mae’n byw ac yn bod yn glòs ac yn bersonol gyda nhw yn eu cynefin naturiol. Yn sôn amdano’n bwydo eirth bach o’r botel, yn rhoi mwythau iddyn nhw ac yn chwarae gyda nhw, meddai papur newydd The Times: ‘Buchanan really does have the best job on TV’. Mae Gordon yn fwyaf adnabyddus ar gorn ei gyfresi Grizzly Bear Cubs and Me, Elephant Family and Me, Gorilla Family and Me, Polar Bear Family and Me yn ogystal â llond gwlad o ffilmiau bywyd gwyllt ac ymdeithiau arobryn eraill.
Mae ei sioe’n cynnig cyfle heb ei ail i glywed atgofion personol am ei hynt crwydro byd, ac yntau’n cloddio i fyd bywyd gwyllt rhyfeddol, i gyd wedi’u darlunio â’i ffilmiau a’i luniau ei hun. Mae’n cael y gair o ymhyfrydu mewn tasgau peryglus ac anodd ac mae ei hanesion ymdeithiau hergar – heb sôn am y ffilmiau anifeiliaid mwyaf hoffus welwch chi – yn ei gwneud yn noson wefreiddiol rhy dda i’w cholli.
‘Of all the people cited as David Attenborough’s successor, he’s out front’
- Daily Telegraph.
COFIWCH: Digwyddiad sy’n cadw pellter cymdeithasol fydd hwn.
A ffi bostio opsiynol o £1.50 i docynnau gael eu postio.
Am docynnau Hynt, cysylltwch â’r Swyddfa Docynnau ar 07391 791934. Dim ond hyn a hyn o le sydd ar gael – archebwch yn gynnar i osgoi siom.
*Dim ond un gostyngiad ar gyfer pob tocyn. Rhaid dangos prawf o’r hawl wrth gasglu’r tocyn.
