Cerddorfa Genedlaethol Gymreig y BBC - I'W GADARNHAU | Gwybodaeth wedi'i diweddaru i ddilyn

Gan gyfuno traddodiadau’r Gorllewin a thraddodiadau Affrica yn rhywbeth cyfareddol ac unigryw, mae’r anhygoel Abel Selaocoe yn dychwelyd i Gymru am y tro cyntaf yn ei rôl newydd fel Artist Preswyl BBC NOW i berfformio ei goncerto i’r soddgrwth – Four Spirits. Dyma’r tro cyntaf i waith Caroline Shaw, The Observatory, gael ei berfformio yn y DU. Gyda’i gyfuniad o ddryswch ac eglurder, blaendir a chefndir, yr ysbrydoliaeth ar gyfer y darn oedd ymweliad ag Arsyllfa Griffin ger Hollywood Bowl. Ynddo, mae’n archwilio ffyrdd newydd o edrych ar y bydysawd, gan asio’r hen a’r newydd mewn llif ymwybod nad yw byth yn dod i ben yn yr union le y dechreuodd. I gloi’r rhaglen syfrdanol hon, cawn berfformiad o Goncerto Bartok i Gerddorfa, gyda’i adleisiau o gerddoriaeth werin, dan arweiniad Giancarlo Guerrero, yr arweinydd o Costa Rica sydd wedi ennill Gwobr Grammy.